2003-02-3

Donostiako Plan Estrategikoaren Onartuta

> Kalitatearen hiria

•   Donostia, Kulturaren hiria: Kultura alorrean estrategia bat ezartze aldera (Azpiegiturak, Kudeaketa, Eskaintza eta eskaera) ekimenak garatuko dira. Horretarako Kultura Garaikidearen Nazioarteko Zentroko, Victoria Eugenia Antzokiko (Arte Eszenikoen Zentroa) eta San Telmo museoko proiektuak garatuko dira. Proiektu horiek abian jartzeko batetik Euskal Kultura eta Euskararen egungo ikuspegia eskaini beharko dute eta bestetik hizkuntza eta kultura aniztasunera irekita dagoen hiriaren ideia islatu beharko dute. Kultura edukiontzi izatetik Donostia Kulturaren Faktoria, sormenaren hiri, bilakatzea da helburua.
  
  
•   Donostia Merkataritza Zentroa. Kalitatezko merkataritzarekin loturik dagoen hiria Merkataritza Zentro handi bat bilakatu nahi da. Auzoetako zentro handien eta merkataritza fluxu handiagoak atzematen dituen Merkataritza Zentro Handi Ireki baten artean oreka aurkitzea ezinbestekoa da. Hipermerkatuen aro honetan lehiakor izateko kudeaketa modelo egokiak izan beharko ditu merkataritza zentro ireki horrek.
  
  
•   Donostia Turismoa. Hiriko alor tradizional hau egituratzea da xedea, XXI. mendera egokitu behar da eta Donostian hain garrantzitsuak diren Urgul, Akuarioa edo Igeldo bezalako eremuak berrasmatu egin behar dira eta horretarako Kirol Portua bezalako proiektu berriak abian jarriko dira. Eskaintza koordinatzeko eta marketing estrategia zehatz baten bidez Donostiaren irudi bateratua emateko egitura indartsu bat beharrezkoa da.
  
  
•   Donostia Natura. Balorea emateaz gain elkarren artean lotu behar diren eremu naturalen babesa eta suspertzea: Urumea ibaiko parkea, Ulia, Kristina Enea, Satrustegi, Urgul, Miramon. Hiriaren inguruko beste leku batzuekin lotu behar dira: Lau Haizeta, Artikutza, e.a.
  
  
•   Hiri administrazioa modernizatzeko plana. Donostian berrikuntza sustatzeak ekimen garrantzitsuak eskatzen ditu administrazio publikoari dagokionez. Hiri administrazioak antolamendu eraginkorra bilatze aldera ekimen garrantzitsuak proposatzen ditu, hala nola, Hiritarren arretarako Zerbitzu Integrala, Informazioaren eta Komunikazioaren teknologiak erabiliz deszentralizazioa eta XXI. mendeko administrazio publikora egokitzeko berrantolaketaren garapena.

ITZULI