2003-02-05

Martxoan, datorren hamarkadarako hiriaren apustu estrategikoak identifikatuko dituzten "trakzio proieketuak" onartuko dira

8-10 proiektu aurrera ateratzea dago aurreikusita.

Donostiako Plan Estrategikoan dabiltzan lan-taldeek martxorako onartu beharko dituzte datorren hamarkadarako hiriaren apustu estrategikoak identifikatzen dituzten "trakzio proiektuak".

Azken lau hilabeteetan lau ardatz estrategiko zehaztu dira: Kalitatearen Hiria, Kreatibitatearen Hiria eta Berrikuntza, Pertsonen Hiri Kohesionatua eta Hiri Erlazionatua. Gainera, urtarrilean zehar Batzorde Sustatzaileak helburu eta estrategiak onartu ditu etorkizuneko trakzio proiektuen onarpenaren aurrekari gisa.

Martxorako 8-10 proiektu egon behar dute hiria estrategia horiekin lotzea lortu behar dutenak.

Gauza daitezkeen ekimen batzuk honakoxeak dira: estazio intermodala, garraio partzuergoa, bigarren ingurabidea edota Urumeako autobia. Bestalde, badira ikerkuntza biomedikoa nahiz ikus-entzunezkoen alorrari lotuta dauden proiektuak; Gisa horretan, litekeena da Miramon teknologi parkea eta EITB inguruan media park bat egitea. Horrez gain, Tabacaleran eraiki daitekeen kultura garaikideko zentroak Donostiako kultur esparrua handiagotu dezake.

Bestetik, Donostiako Plan Estrategikoak harremanetan oinarritutako sistema (harreman sarea) sortu nahi du eta, horrez gain, gure ezagutza-sistemaren analisian murgildu nahi du. Besteak beste, Planean ageri diren jarduerekin lotuta dauden zereginetan dabiltzan profesional donostiarrekin lotura izatea da kontua; hala, Donostiari lotuta egoteaz gain, euren ezaupideez nahiz jakituriaz baliatzea izango genuke gisa horretan proiektu estrategikoak garatzeko.