2006-05-10
Donostiako Plan Estrategikoak, Udalak eta Donostia Kulturak Topaketak-Encuentros V antolatu dute, “Donostia eta bere kultur proiektuen” gaineko eztabaida-leku bat

Maiatzaren 11an eta 12an Donostiaren orainerako eta etorkizunerako funtsezkoak diren hiru azpiegitura aztertuko dira: San Telmo museoaren birgaipena eta hedapena, Victoria Eugenia Antzokiaren berrikuntza eta CICC- Tabacalera. Era berean, Bartzelonako, Karlsruhe-ko eta York-eko erreferentziazko ekipamendu kulturalen arduradunek parte hartuko dute.

Ekoizpen kulturalean berrikuntza eta sormena bultzatzea Donostiako Plan Estrategikoaren helburu nagusietako bat da. Jardunaldi honen bidez, gipuzkoar hiriburuko kultur eredua eta kultur proiektu nagusiak eztabaidatu eta aztertu nahi dira, erreferentzia diren nazioarteko beste hiri batzuetako adituen parte hartzearekin.

Jardunaldi hauek Topaketak-Encuentros-en barnean egingo dira, hau da, ezagutza konpartitzea eta Donostiako proiektu estrategikoen garapenean aurrera egitea helburu duten hitzaldi, mahai-inguru eta eztabaida-sail sektorial batzuen barnean, hiriko agente guztien kooperazioa eta adostasuna bilatuz.

Foroa maiatzaren 11an, osteguna, hasiko da San Telmo Museoan, Ramón Etxezarretaren (Donostiako Udaleko Kultura Zinegotzia) aurkezpenarekin: “Donostiako Kultur Proiektuak eta Kultur Eredua”. Ondoren, Miren Azkaratek (Kultur sailburua. Eusko Jaurlaritza), Joxe Joan Gonzalez de Txabarrik (Gipuzkoako Diputatu Nagusia) eta Odon Elorzak (Donostiako Alkatea) hitz egingo dute.

Kafe- etenaren ostean, San Telmoko birgaipenaz eta hedapenaz hitz egingo da: “San Telmo, Memoriaren eta Lurraldearen Museoa”. Juan Velázquez (UPV, Teledonosti) izango da moderatzailea, eta jarraian Antoni Nicolau-k (ICOMaren idazkaria eta Bartzelonako Hiriko Historiaren Museoko Zuzendaria) Gaur Egungo Museoen Egoeraz hitz egingo digu, Susana Sotok (San Telmo Museoko Zuzendaria) San Telmo Museoko Proiektuaren Itxaropenez, eta Victor Cageao-k (Kultura Ministerioko Estatu-Museoen Zuzendariordetza Nagusia) goizeko saioa itxiko du.

Arratsaldean, Victoria Eugeniaren berrikuntza aztertuko da: “Victoria Eugenia, Hiriko Antzokia”. Ramón Etxezarretak Antzokiaren Erabileren Proiektua azalduko du eta York Theatre Royal-eko Daniel Bates-ek Ekipamendu eszenikoak eta Hirian duten Eginkizuna. Ondoren, Antton Azpitartek (Donostia Kulturako Zuzendaria) moderatuko duen mahaingurua izango da. Bertan, Fligi Claverie-k (Biarritzeko Ballet-eko Mugaz Gaindiko Misioko Administratzaile ordezkaria), Norka Chiapuskok (Donostia Kulturako Antzerki Unitateko Zuzendaria) eta Eduardo Clausen-ek (Donostiako Kultura Musika- Kulturako Elkartea) parte hartuko dute. Osteguneko jardunaldia amaitzeko koktela eta zuzeneko musika izango da.

Maiatzaren 12an, ostirala, “CICC-Tabacalera” proiektuan zentratuko da eztabaida. Joseph Ramonedak (CCCB-eko zuzendaria) Kultur Instalazioen Etorkizuna aurkeztuko du eta Berhard Serexhek (Media Museum ZKM-ko ¨Komunikazio Zuzendaria) Karlsruhe Eskualdeko Marka Kulturalaren Irudia. Kafearen ondoren, Josean Muñoz-ek (CICC-ko Zuzendaria) Tabacalerako Proiektua azalduko. Jarraian, mahainguru bat izango da Mitxel Ezquiaga moderatzaile izango duena, eta bertan Kepa Kortak (Donostiako Plan Estrategikoko Zuzendariak), Mikel Lejarzak (Arbol Taldeko Kontseilari-Ordezkaria), Josean Muñoz-ek eta Lourdes Fernández-ek (ARCO-ko Zuzendaria) hitz egingo dute.

Jardunaldiei amaiera emateko Nieto Soberano Arkitektura Estudioak “San Telmo Museoaren Proiektu Arkitektonikoa” aurkeztuko du.