2003-03-26
Europako CITYPORT proiektuaren baitan, Portuaren eta Hiriaren arteko harremanei buruzko Nazioarteko Lehenengo Mintegia egin zen iragan astean Vigon

Donostia Proiektu honetan sartu diren hirietako bat da.

Europako CYTYPORT proiektuaren baitan, "Atlantikoaren guneko portuen eta hirien arteko harremanei" buruzko Nazioarteko Lehen Mintegia ospatu zen Vigon iragan martxoaren 19tik 21era. Donostiak parte hartzen du aipatu proiektuan.

Mintegi honetan zehar, "Hirien eta portuen arteko harremanak eta zuzenbidezko eremua. Arco Atlantikoa osatzen duten hiri batzuen esperientzia" aurretiko ikerketa aurkeztu da. Gainera, portuaren eta hiriaren arteko harremanetan nazioartean aditu direnen zazpi txosten eztabaidatu dira eta Arco Atlantikoko zenbait hiritako portuetan egindako esperientzien berri eman da.

Zenbait esperientzia aurkezteak hiri ezberdinen funtzionamendua, oztopoak, emaitzak eta erabili diren estrategiak ezagutzeko aukera eman digu.

"Portuaren eta Hiriaren arteko harremanak hobetzeko estrategiak" izenburuarekin urtearen bukaeran beste Nazioarteko Mintegi bat egingo da. Topaketa horren bidez CYTIPORT proiektuari buruzko informazioa zabalduko da: Arco Atlanticoari, Europako Batzordeari, Europako Parlamentuari eta Atlantikoaren eremua osatzen duten Estatuei emaitzen, irizpideen, proposamenen eta iradokizunen berri emango zaie.

Aurten CITYPORT proiektua garatu egingo da, iaz, 2002an prestatze lanak egin ostean. Alde biko harremanak sortu ziren eta zenbait lan bilera egin zen.